Ngeseo el mo er a chad el diak a urerel
A omoruul a babilngem e moutekangel el omekedong er a 800-410-0758. Ke metir a 29 el kirel a ngeseo el tekoi er Belau (ngar ngii a oleyuid a tekeoi el sebechel ngosukau el di tada). Alsekum ng mechad a dingam, ng mekngit a oderngesem, malechub eng diak msal ungil mengedecheduch e momekedong era Washington Relay Services el 711 a lambang er ngii.
Sel momekedong er tial lambang e ke locha mo rongesii tia el tekoi era English. El kmo:
"Ng diak el sebecham el onger era dengwa er kau er chelechal taem leng kmal betok a dengwa el me soiseb. Moutekangel el muut el omekedong er a uriul el taem, malechub e bor tial website esd.wa.gov eng sebechem el metik a omesodel a chad el diak a urerel (unemployment). Ke kmal mesaul er a klou l' reng er kau. Mechikung."
Altang ng kmal betok a okedong er a dengwa el mei, e ngdi aki kmal kltmokl el olngeseu er kau. Ng dirrek el ngar ngii a rechad el oleyuid a tekoi. Alsekum ke melatk el omekedong el meruul a babilngem, ea ikakid el tekoi a sebechel mo ngosukau.
- A omomekedong er a dirk tutau malechub eng mo uriul er a kebesengei eng mo er ngii a techellem el mengedecheduch er a chad el loureor.
Temel me a tekoi er a Claims Centers. - Monger er a dengwa er kau. Altang eng kemam el omekedong er kau! A ngklam a diak bolcholt er a id caller er kau. Alsekum aki omekedong e mo diak monger er a dengwa er kau, eng mocha kirem el muut el omekedong er kemam e tia a sebechel el mo komengetii a temel a omoruul a babilngem.
Sel moruul a babilngem:
- Ng sebechem el mo medengei el kirel a ikel ker el ki bo moker er kau sel moruul a babilngem el kirel a ngeseo el mo er a chad el diak a urerel el online.
- A lak mchad er a ngebard (U.S. citizen) meng dirrek el di sebechem el meruul a babilngem el melai aikel ngeseo el mo er a chad el diak a urerel. Ng sebechem el ngmai a omesodel tiang el citizenship me a llemeltem el oureor.
Paid Family & Medical Leave
A Paid Family & Medical Leave a ngeseo el mo er a rechad el oureor er a Washington. Aikang a ngar er ngii el omtech malechub eng olengeseu er kau alsekum ng mo er ngii a meringel el secherem meng mo diak el sebechem el oreor, malechub e kouspech a taem el omes e mengetmokl er a chad er a blim, ke omes malechub e ke mengoit a taem el omes er a ngelekem el dirk mlo er ngii malechub eng soam el ouspech er a telkib el taem el omes er a tara chad er a blim el mengedmokl er ngii el mo er a klsoldau er a cheroid el beluu.
Ng sebechem el muut el mo medengei a omesodel a Paid Leave er tiang.
Ureor ma osischeklel a ureor (tekoi er English me a Spanish)
A WorkSource a sebechel ngosukau el mo metik er a urerem malechub eng ikel ureor el soam el melemolem el meruul er a chelsel a klengar er kau. Moutekangel el mo er a WorkSoureWA.com e momuchel el osiik a ureor. Ngar cheungel a Resources, e kouspech er sel WorkSource locator el lorrael er kau el osiik er a obis el kmeed er kau e sebechem el omes aikel tekoi el sebechel tia el obis el kudmokl. Ng sebechem el mo omes el kmo ngera sebechel el dim online e remuul me a ikel kirem le mo er tial obis e meruul.