របៀបដាក់ពាក្យសុំអត្ថប្រយោជន៍ក្នុងពេលគ្មានការងារធ្វើ

តើអត្ថប្រយោជន៍ក្នុងពេលគ្មានការងារធ្វើមានអ្វីខ្លះ?

អត្ថប្រយោជន៍ក្នុងពេលគ្មានការងារធ្វើ ផ្ដល់ជូនអ្នកនូវប្រាក់ចំណូលបណ្ដោះអាសន្ននៅពេលដែលអ្នកបាត់បង់ការងារ មិនមែនដោយសារកំហុសរបស់អ្នក។ ប្រាក់នេះជំនួសឲ្យប្រាក់កម្រៃដែលអ្នកបាត់បង់ និងជួយអ្នកក្នុងការបង់ថ្លៃចំណាយនានា នៅពេលដែលអ្នកស្វែងរកការងារថ្មី។ អត្ថប្រយោជន៍ទាំងនេះបានមកពីប្រាក់ពន្ធដែលអតីតនិយោជករបស់អ្នកបានបង់។ អត្ថប្រយោជន៍ទាំងនេះមិនអាស្រ័យលើតម្រូវការផ្នែកហិរញ្ញវត្ថុទេ—ពោលគឺ អាស្រ័យថាតើអ្នកបានបាត់បង់ការងារនាពេលថ្មីៗនេះឬយ៉ាងណា។

ដាក់ពាក្យសុំតាមអនឡាញ (ជាភាសាអង់គ្លេស និងភាសាអេស្ប៉ាញតែប៉ុណ្ណោះ)

វិធីដែលល្អ និងឆាប់រហ័សបំផុតក្នុងការដាក់ពាក្យសុំ គឺតាមអនឡាញ។ ការដាក់ពាក្យសុំតាមអ៊ីនធឺណិត គឺមានតែជាភាសាអង់គ្លេស និងភាសាអេស្ប៉ាញតែប៉ុណ្ណោះ។ មុនពេលអ្នកដាក់ពាក្យសុំ សូមស្វែងយល់ថាតើអ្នកមានសិទ្ធិទទួលបានដែរឬទេ និងស្វែងយល់ពីអ្វីដែលអ្នកត្រូវដាក់ពាក្យសុំ៖

• ប្រសិនបើអ្នកមិនមែនជាពលរដ្ឋអាមេរិកទេ អ្នកនៅតែអាចស្នើសុំអត្ថប្រយោជន៍ពេលគ្មានការងារធ្វើបាន។  ស្វែងយល់បន្ថែមអំពី សញ្ជាតិ និងសិទ្ធិស្របច្បាប់ក្នុងការធ្វើការងាររបស់អ្នក។
• ស្វែងយល់បន្ថែមអំពី អ្វីដែលយើងសួរនៅពេលអ្នកដាក់ពាក្យសុំនិកម្មភាពតាមអនឡាញ។
• ប្រើការណែនាំនេះ ដើម្បីស្វែងយល់ន្ថែមអំពី eService គេហទំព័រសុវត្ថិភាពរបស់នាយកដ្ឋានសន្ដិសុខការងារ សម្រាប់ការដាក់ពាក្យសុំអត្ថប្រយោជន៍និកម្មភាព ការទាមទារការដាក់បញ្ជូនមួយសប្ដាហ៍ម្ដង និងការចូលប្រើព័ត៌មានអំពីអត្ថប្រយោជន៍របស់អ្នក។
• ប្រសិនបើអ្នកបានទទួល “Determination Letter (លិខិតសេចក្ដីសម្រេច)” ពីយើង ហើយអ្នកមិនយល់ស្របជាមួយនឹងសេចក្ដីសម្រេចនេះ មធ្យោបាយងាយស្រួលបំផុត ដើម្បីប្ដឹងតវ៉ានៅលើអនឡាញក្នុង eService ។ ឬអ្នកអាចប្រើ Benefits Appeal Form ( ម្រង់ប្ដឹងតវ៉ាចំពោះអត្ថប្រយោជន៍) បាន។
• ដើម្បីទទួលបានអត្ថប្រយោជន៍អ្នកត្រូវតែស្វែងរកការងារធ្វើ។ ស្វែងយល់បន្ថែមអំពីតម្រូវការស្វែងរកការងារ។
• សូម​ចូលទៅកាន់ទំព័រ​ត្រឡប់​ទៅធ្វើការវិញ​ សម្រាប់​ធនធានជាច្រើនសម្រាប់បុគ្គលិក​​។
• ទំព័រ​ការបដិសេធ​ការងារ​ ឆ្លើយតបទៅនឹង​សំណួរ​អំពីនិយោជិត​ដែលមិនត្រឡប់ទៅធ្វើការងារ​របស់ពួកគេ​វិញ​។

ដាក់ពាក្យសុំតាមអនឡាញឥលូវនេះ

(ជាភាសាអង់គ្លេស និងភាសាអេស្ប៉ាញតែប៉ុណ្ណោះ)

ដាក់ពាក្យសុំតាមទូរសព្ទ (មានអ្នកបកប្រែ)

អ្នកអាចដាក់ពាក្យសុំតាមទូរសព្ទបាន។ រយៈពេលរង់ចាំការហៅទូរសព្ទក្នុងពេលនេះគឺមានរយៈពេលយូរ ដោយសារមានអ្នកហៅទូរសព្ទច្រើនដើម្បីសាកសួរអំពីការទាមទាររបស់ពួកគេដោយសារតែការរាតត្បាតដោយជំងឺ COVID-19។ យើងមានការប្ដេជ្ញាចិត្តក្នុងការជួយអ្នក និងមានអ្នកបកប្រែភាសា ដូច្នេះប្រសិនបើអ្នកត្រូវការដាក់ពាក្យសុំតាមទូរសព្ទ គន្លឹះទាំងនេះអាចនឹងជួយបាន។

ហៅទូរសព្ទមុនគេ ឬក្រោយគេ
ការហៅទូរសព្ទមុន ឬយឺតនឹងបង្កើនឱកាសរបស់អ្នកក្នុងការទៅដល់ប្រតិបត្តិករ។ (ការទាមទារម៉ោង និងព័ត៌មានរបស់មជ្ឈមណ្ឌល)។

ទទួលទូរសព្ទ
ពួកយើងអាចនឹងហៅទូរសព្ទទៅ! ឈ្មោះរបស់ពួកយើងនឹងមិនបង្ហាញឲ្យឃើញនៅលើកម្មវិធីកំណត់អត្តសញ្ញាណអ្នកហៅទូរសព្ទចូល របស់អ្នកទេ។ ប្រសិនបើអ្នកខកខានក្នុងការទទួលទូរសព្ទពីយើងខ្ញុំ អ្នកនឹងត្រូវទូរសព្ទត្រឡប់មកពួកយើងវិញ ដែលនឹងធ្វើឲ្យដំណើរការដាក់ពាក្យសុំរបស់អ្នកត្រូវចំណាយពេលកាន់តែយូរ។

ដើម្បីដាក់ពាក្យសុំតាមទូរសព្ទ សូមហៅទូរសព្ទទៅលេខ 800-318-6022។