Ej ten jemlok jibañ ko an federal ikijen bōjrak jerbal jen jorrāān eo elab im ear jelōte aoleben lal in (Federal pandemic unemployment benefits)

Emaron jelōt claim eo am

Jekdoñ ñe ewōr am jerbal ak emōj am kabōjrak am claim jibañ eo ikijen bōjrak jerbal, jouj im riiti melele in aurōk.

Kakien eo an CARES (Coronavirus Aid, Relief, and Economic Security, Jibañ ko ñan rijerbal, baamle, im bijnej jen coronavirus) im burokraam ko jet an federal im emōj kar kōlablok im kaitōklok ien jibañ ko an bōjrak jerbal rej iten jemlok. Wiik eo ej jemlok ilo Jebtomba 4 ej wiik eo aliktata in kolla in jibañ ko jen burokraam kein:

  • PUA (Pandemic Unemployment Assistance, Jibañ eo an Bōjrak Jerbal) – Ñan ro rej jerbal ibbeir make, freelancer ro, rikoontōreak ro rej make iaer, im ro jet rejab maron tōbrak ñan jibañ ko an bōjrak jerbal ekkā.
  • PEUC (Pandemic Emergency Unemployment Compensation, Jibañ eo an Bōjrak Jerbal kin Idin Jorrāān eo Elab ear Jelōte Aoleben Lal in) - Ej kaitōklok ien jibañ ko am alikin an maat jibañ ko an ikijen bōjrak jerbal ekkā.
  • FPUC (Federal Pandemic Unemployment Compensation, Jibañ eo an Federal ikijen Bōjrak Jerbal jen Jorrāān eo elab ear Jelōte Aoleben Lal in) – Lablok in $300 kajojo wiik ñan aoleb armij ro remaron tōbrak in claim.

 

Ta eo kwōn kōmmane kiō

  • Woñmaanlok in baele claim ko am kajojo wiik
    Mae Jebtomba 4, woñmaanlok in bael ñan wiik ko kwōkōnaan ebōk jibañ.
  • Lale ñe eloñ kōjellā jen kim ilo jeklaj
    Kwōmaron loe kōjellā ko jen ilo akkoun in eServices eo am ak ilo mael. Uwaake jabdewōt kajitōk ko amim ñan melele ko kwōj aikuj letōk. Jekdoñ emōj an bōjrak am claim ak emōj am elo am jerbal, kim maron wōt aikuj in kebaak kwe.
  • Ebōk jibañ kin am kabōk jerbal ibben
    WorkSource eo am emaron jibañ am loe juon am bar jerbal ak kapeel in jerbal. Etal ñan WorkSourceWA.com ñan am jinoe. Iomwin Mennin Jibañ ko, kōjerbal kein kabukōte WorkSource ñan am bukōt juon obij iturim im lale ta jibañ ko ewōr ilo kein jerbal kapeel im ilo am jede lok.

Ñe kwōnaj aikuj wōt jibañ ko alikin Jebtomba 4, kwōmaron:

  • Woñmaanlok in bael claim an kajojo wiik elañe ewōr kadede juon am claim ikijen bōjrak jerbal
    Emaron wōr bwe in wiik ko ilo juon claim in bōjrak jerbal ekkā.
  • Ñe kwōj kōjerbal eServices, kwōnaj jelā ewōr am wiik elañe kwōnaj loe juon link ej ba Ewōr juon am claim an kajojo wiik ñan bael.
  • Ñe kwōj bael claim an kajojo wiik ilo talebon, kwōnaj roñ juon ekeelel ñan baele juon claim an kajojo wiik.

Kememej: Ñe ewōr am bwe in wiik ko kin juon claim an bōjrak jerbal ekkā im kwōmaron tōbrak ñan wiik ko, kwōnaj aikuj kolla kin joñan jibañ eo am an kajojo wiik ekkā. Joñan eo ebañ koba lablok in $300 kajojo wiik jen FPUC.

  • Kateruru ñan juon claim kāāl
    Wāween eo ebidodo tata ñan am kateruru ñan juon claim kāāl ej ilo am kōjerbal akkoun in eServices eo am. Kelet Kateruru ñan jibañ ko iomwin Kōjellā ko.

Ñe kwōkōnaan kōmmane juon akkoun in eServices, etal ñan esd.wa.gov/unemployment im kelet Kateruru Online Kiō.


Kwōmaron kateruru ñan juon claim kāāl ilo jikin claim eo an bōjrak jerbal (Unemployment Claims Center) ilo 800-318-6022. Ewōr jibañ ikijen kajin ejellok wonnen. Jibañ ko an ro ewōr aer utamwe (Relay) 711.

  • Bar jinoe juon claim
    Ñe kwar jab bael claim ediklok jen lalem wiik, kwōjab aikuj bar jinoe claim eo am. Woñmaanlok am lelok claim ko an wiik ko kwar jab lelok.

    Ñe kwar jab lelok bael ko in claim ko iomwin lalem ak lablok wiik, kwōmaron bar jinoe claim eo am. Wāween eo ebidodo tata kōmmane mennin ej online.

 

Lale aoleben kōmelele ko kin screenshots ilo website eo amim ilo esd.wa.gov/unemployment/restart-your-claim.

Kwōmaron bar jinoe claim eo am kin talebon. Kall ae lok jikin claim eo an bōjrak jerbal (Unemployment Claims Center) ilo wiik eo kwōkōnaan bar jinoe claim eo am.

 

Kim bed ijin ñan jibañ kwe
Kim melele ke jemlokin jibañ ko an federal ikijen bōjrak jerbal emaron juon ien ekapokpok. Eloñ armij rej kall ae tōk jikin claim eo an bōjrak jerbal (Unemployment Claims Center) kin kajitōk ko. Elukkun bin am naj tōbare rijerbal ro amim ilo talebon.

Kajeoñe mennin jibañ kein mokta:

 

Wāween kanne beba ñan jibañ ko ikijen bōjrak jerbal

Ta in jibañ ko an bōjrak jerbal?

Jibañ ko an bōjrak jerbal rej lewaj kolla ilo kōtaan ien enaj jako jerbal eo am ilo an ejab am bōd. Jāān eo ej binej jenkwan kolla ko wonnam rejako im jibañ am kolla muri ilo ien am kabok jerbal kāāl. Jibañ kein rej itok jen eowoj ko jikin jerbal eo/ko am moktalok rar kollaiki. Jibañ kein rejab iwōj ekkar ñan joñan am aikuj jāān – elañe ej kab jako am jerbal. 


Kanne beba online (Kajin Belle im Spanish wōt)

Wāween eo emmon tata im mokaj tata ñan kanne ej online. Ablikajon eo online ewōr wōt ilo Kajin Belle im Spanish Ablikajon eo online ewōr wōt ilo Kajin Belle im Spanish Mokta jen am kanne, lale elañe kwōmaron tōbrak im lale ta eo kwōj aikuji ñan am kateruru:          

Kanne kiō online

(Kajin Belle im Spanish wōt)


Kateruru ilo talebon (ewōr rukok)

Kwōmaron kateruru ilo talebon. Elukkun lab an aitok ien kōttar eo ilo talebon kiō kin an lōñ armij ro rej kall tok kiō in lale kajitok ko aer kin jorren in COVID-19 im emō an jelōte aoleben lal in. Kim ej kallimur in lewaj jibañ im ewōr rukok ilo kajin eo am, innem ñe kwōj aikuj kanne ilo talebon, melele kein remaron lewaj jibañ.

Mokaj ak rumij ilo am kūrtok
An mokaj ak rumij am kūrtok enaj kōlablok am maron tōbare rijerbal ro rej uwaak talebon. (awa im melele an jikin lcaim eo).

Uwaake talebon eo
Emaron kim eo ej kall! Etamim ebañ walok ilo ID kall eo am. Ñe kwōjab uwaak, kwōnaj aikuj bar kall tok im enaj bar aitoklok ien kōmadmōde ablikajon eo am.

Ñan kateruru ilo talebon, kūrlok 800-318-6022.